” كتاب عشقي “

الشاعر : عبدالرحمن المالكي -جدة

الغايب إللي في سما دنيتي طير
أبطيت أراقب فالزوايا … وصوله

أشتاق له شوق الحزن … للتباشير
وأشتاق له شوق الكهل … للطفوله

كتاب عشقي ما عرف فهرسه غير
ذيك الحروف اللي تلامس فصوله

كتبت له في صفحة الليل … تعبير
وأجمل حروف الشوق تلتف حوله

لكن نساني في زحام المشاوير ..!
وإللي خذيته صعب .. راح بسهوله

إذا نشدته قال : هاذي (مقادير) ..!
هذا العذر لا غاب دايم يقوله ..!!

المشكله ما جاء من القلب تقصير
ولا كنت أشوف من البشر غير زوله

اللي بعد ما صار … لا بد ويصير
وأحرق كتاب العشق عرضه وطوله

عبدالرحمن المالكي