درة قصيم المملكة
بقلم الشاعر: سامي بن سعيد العوني
الديره اللي حبها ينما مع الوقت ويزيد
على كثر ماشفت مالك ياعنيزه من شبيه
انتي مقر الطيب والامداح وبيوت القصيد
وانتي مغن الجود والاخيار والطهر النزيه
مالوم شاعرك القديم اللي تغنا بالنشيد
قصيدتن يفخربها من كان له رأيً وجيه
هذي عنيزه مانبيعك ياعنيزه بالزهيد
عقب صبيً ماتحاما دون دارن تحتويه
انتي لنا المؤى ليا جينا من الطرقه بعيد
يلقابك الصلفان قمة راحته من غير ليه
فيك اتنفس ريحة الاجداد والعصر الفريد
وفيك اتباها واتحدى عند قولي واحتميه
نسمة هوى باريس نجد اليا تمايل بالجريد
يطفي عن القلب المعنا كل حزنن يشتكيه
على سفوح رمالها يعطيك نبذة من مزيد
معالم اشجار الغضا الميال من وين ابتديه
لاقامت اتجذب هبوب النود صكت ماتحيد
يلقابها راع الونس غاياته ومما يشتهيه
درة قصيم المملكه مضمون هالعلم المفيد
انا عشيق الديره اللي مالها عندي شبيه…
