الكاتب : عبدالله العطيش
مساء الود ايها المهذبون النبلاء والنبيلات في محيط صحيفة صدى العرب والتي بلغ صداها ورسالتها الأدبية والتاريخيه
والإنسانية لكل العرب ؛ اما في الاتي اسمحوا لي بطرح
لغز وشعر الأستاذ الكبير عوده بن عطيش الحضيري
—————–
سميت بسم الله سمّاع الدبيبي
يعلم سرٍ داخل الصدر مكنون
ومن بعد ذكر الله للغازي اجيبي
اطرح اللغاز لنشامى يحلّون
يا ويش بنتٍ باقيه ما تشيبي
يقبل بها جيل وبها جيل يقفون
تشرق بها شمسٍ وشمسٍ تغيبي
سريعة الممشا ماتمشي على هون
وانشدك عن رجلٍ سهمه يصيبي
يصيب سهمه يوم الأسهام يخطون
احيان قبل اسهم يرسل نديبي
واحيان مناديبه ما ضن يلفون
ما تنعرف جيته بعيدٍ قريبي
لو غاب يجيك اكيدٍ ومضمون
ويا ويش جرحٍ ما يفيده طبيبي
مافيه دم وراعي الجرح محزون
السيف ليّن مار جرحه عطيبي
السيف ملعونٍ وراعيه ملعون
عوده بن عطيش الحضيري
