هي جت بظروفها
في عيوني انت اجمل
من بهالدنيا لقيت
صعب القالك شبيه
ياحياتي مستحيل
بك تعلق قلبي ياغالي
ولا عنه دريت!!
ماتوقعته يعشقك
وحيث متميِّل يميل!!
قلت يمكن مسالة وقت
وتمر وماهقيت
انك تعيش بخيالي
ويبتدي ليلي طويل
وفجاة قمت اتخيلك
كنك تقلي اهتويت
واتضح لي بعد فترة
إن قلبي بك عليل
انا احبك ما اصدق!
اني فجاة ابتليت
بالعشق اللي يخلي
صاحبه ماينام ليل
صابني مثل الذي
عنهم منول قد قريت
الوله والشوق والنظرة
ومايشفي الغليل
وحالي متغير وكني
بعالمٍ ثاني غديت
ليلي سهرانة وصبحي
كنه صاير تو ليل
ماتأقلمت بصراحة
لاني نمت ولا صحيت
قلت ياتوحة اعقلي
كثر السهرا يهد حيل
وشسوي مو بيدي
قد عشقتك وانتهيت
وصرت ادور حل
لانهاء المشقة والعويل
اتركه وللا ابتعد
ولا افتعل شي مالقيت
صارفيني غصب
بصمة عشق وعنّة ويل
قلت خلاص ماعاد
يصلح مو انا الي بديت
هي جت بظروفها
وهذا قدرنا ياخليل
اننا بيوم نتلاقى
والحكاية كيت وكيت
بس اقلك للامانة
ماعشقتك حيل حييل
انابس مجنونة باسمك
اكتبه في كل بيت
واني اتنفس غرامك
بس هذا شي قليل
(تووحة الديوان الثاني)
