قسوة محب

لاتحسب اني بعد فرقاك بشتاق
حدي ألم وجروح تنزف اليمه

صبري على ذا الحب ماعاد ينطاق
روحي من الحرمان صارت سقيمه

سنين حبك كلها صد وفراق
قلبك صخر يرضى عليّ الظليمه

تركتني مجروح والكون بي ضاق
عيني تهل الدمع مثل اليتيمه

عشقي يهز الكون يجتاح لآفاق
رغم التحدي مارضيت الهزيمة

ابحرت في حبك بلا حبل واطواق
ماشفت ضوك باليالي العتيمه

الوقت قاسي ليلة مالها اشراق
والله يعينك ع الزمن ياحليمه

حليمة عبدالله