مقالات

( العشق بلوى )

 

ان كان عندك نية لهجر مغليك
لا عاد تسألهم عن احوالي اشلون

دامك نويت البعد الله يهنيك
يرعاني اللي ان بغى شي بيكون

لا يغرك اني يا الغضي ميتن فيك
وان العمر من فرحتي فيك مرهون

والا حروق الشمس يومي اداريك
وما همني كل البشر وش يقولون

ودموعي اللي كان تسبق خطاويك
عادي ترى كل البشر دووم يبكون

وش يعني لو دمي نزف لجل عينيك
اللي نزف دمه يضمده ويهون

والفرحة اللي كل ما حل طاريك
بتظهر على وجهي اذا الناس يحكون

ماهي ضروري تقول ماني بناااسيك
واني على فرقاك ميت ومغبون

وجسمي نحل من قلةالأكل وش فيك؟
ماهو سبب بعدك تراهم يكذبون

كل يوم ودي ادعي الله يمحيك
من كل فكري وان يقوموا
يصلون

أنسى دعاائي وادعي الله يحميك
واستغرب اللي في الصلاةكيف يدعون

ابعد ولا يهمك وسوي اللي يرضيك
يكفيك قلبي فيه ساكن ومسكون

عبدالله الحمادي

مقالات ذات صلة

اترك تعليقاً

لن يتم نشر عنوان بريدك الإلكتروني.

شاهد أيضاً
إغلاق
زر الذهاب إلى الأعلى